Sáraristilbólga - Colitis Ulcerosa
- Langvinnur bólgusjúkdómur í þörmum
- Kemur fram í ristli og / eða endaþarmi
- Einkenni eru m.a. blóðugur niðurgangur og verkir
- Orsakir eru óþekktar og oftast er meðhöndlað með lyfjum
Félagsfundur hjá Stómasamtökum Íslands 3. febrúar 2011
Stómasamtök Íslands halda félagsfund þann 3. febrúar næstkomandi. Á fundinum mun Geirþrúður Pálsdóttir hjúkrunarfræðingur og sölustjóri hjá Icepharma kynna niðurstöður úr samnorrænni könnum um lífsgæði stómaþega. Það var svo mikil þátttaka hjá okkur í könnuninni að við fengum sér íslenskar niðurstöður og ætlar Geirþrúður að kynna þær á fundinum. Félagsmönnum CCU er boðið á fundinn og verður hann haldinn í Skógarhlíð 8 kl 20:00. Sams konar fundur verður síðan á Akureyri þann 13. Febrúar og byrjar kl. 14:00.
Sérð þú hvernig mér líður?
CCU samtökin hafa gefið út nýjan fræðslubækling sem heitir Sérð þú hvernig mér liður ?. Bæklingurinn er upplýsingarit fyrir skóla um bólgusjúkdóma. Ætlunin er að dreifa honum í alla skóla sem fyrst. Hægt er að skoða bæklinginn hér: Sérð þú hvernig mér líður ? og einnig undir fræðsluefni.
Hamingjan
Hrefna Guðmundsdóttir hélt fyrirlestur um hamingjuna þann 4.nóvember síðastliðinn. Hægt er að finna fyrirlestur hennar á pdf formi undir Fræðsluefni.
Hver vill ekki lifa hamingjuríku lífi?
Næsti fræðslufundur verður haldinn fimmtudagskvöldið 4.nóvember með Stómasamtökunum. Fyrirlesari er Hrefna Guðmundsdóttir félagssálfræðingur. Hún mun fjalla um hamingjuna, að eiga hamingjuríkt líf þrátt fyrir sjúkdóma og vandamál. Hrefna hefur verið að rannsaka hamingjusálfræði í langan tíma og getur vonandi gefið okkur uppskrift að hamingjuríku lífi. Fundurinn verður haldinn í húsi Krabbameinsfélags Íslands að Skógarhlíð 8, gengið inn og til hægri. Húsið opnar kl. 19:30 og fyrirlesturinn hefst kl. 20:00. Léttar veitingar verða í boði og vonumst við til að sjá sem flesta.
30 ára afmæli Stómasamtaka Íslands
Stómasamtök Íslands verða 30 ára þann 16. október 2010. Af því tilefni bjóða samtökin upp á léttar veitingar á afmælisdaginn milli kl. 15 og 18 í húsi Krabbameinsfélags Íslands í Skógarhlíð 8 í Reykjavík.
Allir velkomnir.