Næsti fræðslufundur CCU verður fimmtudagskvöldið 4. apríl og er sameiginlegur með Stómasamtökunum.  Að þessu sinni verður fyrirlesari Bjartur Guðmundsson leikari og árangursþjálfi. Hann býður upp á skemmtilega og óvenjulega árangursþjálfun fyrir alla sem vilja öðlast hámarks aðgengi að getu sinni og hæfileikum á hvaða sviði sem er.  Fundurinn verður í húsi Krabbameinsfélagsins í Skógarhlíðinni, 1.hæð til hægri og hefst kl. 20:00.  

Aðalfundur CCU verður haldinn þriðjudagskvöldið 12. febrúar.  Hann verður í sal Vistor, Hörgatúni 2, Garðabæ og hefst kl. 20:00.  Fundurinn er nánar auglýstur í janúar fréttabréfi samtakanna.

Næsti fræðslufundur verður þriðjudagskvöldið 13. nóvember og fyrirlesari verður sálfræðingurinn Jóhann Thoroddsen. Hann lauk B.S. gráðu í sálfræði frá Háskóla Íslands 1977, Cand. Psych. frá Gautaborgarháskóla í Svíþjóð 1982 og tveggja ára námi í hugrænni atferlismeðferð 2008.  Hann ætlar að tala um hvað getur gerst þegar við fáum þær fréttir að vera komin með langvinnan sjúkdóm. Hver verða viðbrögðin og hvernig er hægt að takast á við þau. Getum við náð sátt og lært að lifa með sjúkdómnum og hvaða áhrif getur þetta haft á fjölskyldu og vini. Fundurinn verður í sal Vistor, Hörgatúni 2 Garðabæ og hefst klukkan 20:00.

CCU samtökin hafa nýlega gefið út salerniskort sem er hugsað til þess að auðvelda félagsmönnum beiðni um aðgang að salerni í neyðartilvikum.  Framhlið kortsins sem sést hér til hliðar er auðvitað á íslensku en bakhlið kortsins er á ensku, bæði til að það nýtist erlendis og einnig er margt erlent starfsfólk í verslun og þjónustu.  Nokkrir aðilar komu að hönnun kortsins, Lóa Dís Finnsdóttir vann talsverða hönnunarvinnu og teiknaði m.a magakrassið á kortinu, en það ásamt slagorði samtakanna "Þú sérð það ekki utan á mér" er líka á stuttermabolum CCU.  Natasa Revekka Theodosiou, Deputy President of Cyprus Crohn´s and Colitis Association hannaði fjólubláa lógóið á bakhliðinni.  Kortið er ætlað einstaklingum með bólgusjúkdóma í meltingarvegi og nauðsynlegt er að vera félagi í CCU samtökunum til að fá kortið sent. Kynningar standa yfir og stjórnin hefur bara fengið jákvæð viðbrögð hingað til.  Vonumst við til þess að allir aðilar í verslun og þjónustu sýni skilning og leyfi kortköfum að nota salerni í neyðartilvikum.

Næsti fræðslufundur CCU verður þriðjudagskvöldið 25. september.  Meltingarsérfræðingarnir Lóa Guðrún Davíðsdóttir og Sif Ormarsdóttir ætla að fjalla um nýjungar í eftirliti bólgusjúkdóma á Íslandi.  Fundurinn verður sem fyrr í sal Vistor, Hörgatúni 2 Garðabæ og hefst kl. 20:00. Best er að koma að húsinu að ofanverðu, frá Bæjarbrautinni. Eitthvað létt og ljúft verður á boðstólum og vonumst við til að sjá sem flesta. 

Reykjavíkurmaraþonið fer fram eftir rúma viku og í dag eru 9 manns búnir að skrá sig á listann til styrktar CCU.  Öllum sem hlaupa fyrir samtökin stendur til boða að fá bol merktan CCU til að hlaupa í.  Best er að hafa samband á fésbókarsíðu CCU eða senda email á This email address is being protected from spambots. You need JavaScript enabled to view it. og fá sendan bol.  Kæru hlauparar, bestu þakkir fyrir stuðninginn og gangi ykkur súper vel :-)

Eins og margir kannski vita er 19.maí er alþjóðlegur IBD dagur og tákn hans er fjólublá slaufa. IBD    ( Inflammatory Bowel disease) er notað sem samheiti yfir langvinna bólgusjúkdóma í meltingarvegi; Crohn´s sjúkdóm og Colitis Ulcerosa. Rúmlega 50 lönd í 5 heimsálfum taka þátt í deginum með ýmsum hætti til að vekja athygli á sjúkdómunum, hvetja til rannsókna og styðja við yfir 10 milljón manns sem lifa með IBD í heiminum í dag.  Til að skapa vitundarvakningu standa CCU samtökin fyrir netherferð í maí mánuði og hvetjum við alla til að vera dugleg að deila færslunum svo útbreiðslan verði sem mest.  Að auki birtast auglýsingar þann 19. maí, bæði í Morgunblaðinu og Fréttablaðinu. Við þökkum kærlega öllum sem tóku þátt í verkefninu; félögum CCU sem mættu í myndatöku, Kristvini myndasmið í E8 og ekki síst strákunum í Webmodesign sem settu upp herferðina á fésbókinni og gáfu alla sína vinnu við verkefnið !

Næsti fræðslufundur verður fimmtudagskvöldið 5. apríl og er sameiginlegur með Stómasamtökunum.  Fyrirlesari verður Pálmar Ragnarsson íþróttaþjálfi.  Hann er meðal annars með BS í sálfræði og ætlar að vera með fyrirlestur um jákvæð samskipti og að setja sér markmið.  Einnig ætlar hann að tala um hvernig við getum reynt að takast á við erfiðleika með jákvæðu hugarfari.  Það getur oft á tíðum reynst erfitt þegar verið er að glíma við langvinna sjúkdóma.  Fundurinn verður í sal Krabbameinsfélagsins í Skógarhlíðinni, 1. hæð og hefst kl. 20:00.  Kaffi verður á könnunni og eitthvað gott með.  Vonumst til að sjá sem flesta :-)