Næsti fræðslufundur CCU verður miðvikudagskvöldið 3.nóvember. Kjartan Hrafn Loftsson útskrifaðist frá læknadeild HÍ 2007 og hefur unnið sem heilsugæslulæknir í tæp 10 ár og m.a. verið rannsóknarlæknir hjá Íslenskri erfðagreiningu í eitt ár. Hann hóf störf hjá SidekickHealth á síðasta ári. Kjartan hefur verið sérlega áhugsamur um áhrif lífstíls og mataræðis á langvinna sjúkdóma og hefur rannsakað hlutverk ketnóna og næringarketóna á föstur og langlífi. Fyrirlesturinn verður í sal Vistor, Hörgatúni 2 Garðabæ og hefst kl. 20:00.

Þessa dagana er í gangi vitundarvakning hjá CCU samtökunum. Frá 1. til 19. maí birtast færslur með myndum og texta og Webmo sér um uppsetninguna eins og fyrri ár. Núna er viðfangsefnið IBD og geðheilsa, sem er mjög mikilvægt að huga að þegar einstaklingar eru að glíma við langvarandi veikindi. CCU samtökin eru aðildarfélag að EFCCA og taka mörg félög um alla Evrópu þátt í að vekja athygli og fræða almenning um sjúkdómana og áhrif þeirra á daglegt líf.

19. maí er alþjóðlegur IBD dagur og í tilefni hans munum við bjóða upp á fyrirlestur á zoom.

Sigurgeir Ólafsson hefur rannsakað erfðir bólgu og sjálfsofnæmissjúkdóma síðan 2014, fyrst við Íslenska Erfðagreiningu en síðar sem doktorsnemi við Cambridge háskóla í Bretlandi. Hann starfar nú við rannsóknarhóp sem hefur undanfarinn áratug verið leiðandi á heimsvísu við erfðarannsóknir á IBD. Sigurgeir ætlar að segja okkur almennt (á sem skiljanlegustu máli) hvernig svona erfðafræðirannsóknir virka, hvað þær kenna okkur og hvernig þær nýtast beint við þróun nýrra lyfja og meðferða gegn sjúkdómnum. Fyrirlesturinn verður léttur og skemmtilegur og gerir ekki ráð fyrir neinni kunnáttu í líffræði eða tölfræði. Félagmenn frá sendan link og aðgang á fundinn í email þann 19. maí, sama dag og fyrirlesturinn fer fram.

Hvetjum alla til að hlusta á fróðlegan fyrirlestur í tilefni dagsins :-)

Aðalfundur CCU verður haldinn fimmtudagskvöldið 18. febrúar og að honum loknum mun hjúkrunarfræðingurinn Margrét Marín Arnardóttir kynna meistararitgerð sína sem fjallaði um lifsgæði einstaklinga með bólgusjúkdóma í meltingarvegi. Hún skoðar mest andlega líðan einstaklinga með Crohn’s sjúkdóm og Ulcerative Colitis og veltir fyrir sér hvort samræður (e. Partnership as practice) við hjúkunarfræðinga geti bætt líðan að einhverju marki. Þar sem áhugi hennar liggur að andlegri líðan gerði hún verkferla fyrir einstaklinga með bólgusjúkdóma í meltingarvegi sem koma í speglun. Í verkferlinum er unnið með ESAS matstækið sem mælir m.a. andlega líðan. Með þessu matstæki vonast hún til að ná til þeirra einstaklinga sem eru í þörf fyrir sálræna aðstoð.

Margrét lauk BS námi í hjúkrunarfræði frá HÍ árið 2002, MS námi í klínískri hjúkrun við HÍ áríð 2016 og hefur unnið á speglunardeild LSH síðan árið 2008. Margrét er formaður Innsýnar, fagdeildar hjúkrunarfræðinga starfandi við lungna- og meltingarfærarannsóknir. Hún er einnig tengiliður Íslands við ESGENA (The European Society of Gastroenterology and Endoscopy Nurses and Associates) og fer á ráðstefnur á þeirra vegum þar sem hún kennir og leiðbeinir hjúkrunarfræðingum notkun áhalda við ýmsar gerðir speglana.

Fundurinn verður sem fyrr í sal Vistor, Hörgatúni 2 Garðabæ og hefst kl. 20:00 og við gerum ráð fyrir að Margrét byrji um níu leytið. Vegna fjöldatakmarkana á staðnum biðjum við þá sem vilja mæta í Vistor að senda email á This email address is being protected from spambots. You need JavaScript enabled to view it. og skrá þátttöku. Fundirnir verða einnig sendir út "live" í lokaða umræðuhópnum á fésbókinni.

CCU samtökin voru stofnuð 26.október 1995 og eiga 25 ára afmæli í dag. Vegna Covid varð stjórnin að fresta fyrirhuguðu afmælismálþingi um óákveðinn tíma en langaði samt að gera eitthvað í tilefni dagsins. Niðurstaðan varð sú að gefa meltingardeild Landspítalans æðaskannaljós sem við höfðum frétt að væri ofarlega á óskalista Önnu Soffíu og meltingarteymisins. Stundum getur verið erfitt að finna æðar og tækið sýnir einfaldlega hvar þær eru og hvar er best að stinga.  Elísabet Sverrisdóttir og Edda Svavarsdóttir afhentu tækið fyrir hönd CCU samtakanna og Anna Soffía Guðmundsdóttir, Aðalbjörg Ólafsdóttir og Kristín Jónsdóttir hjúkrunarfræðingar og Guðmundur Ragnarsson meltingarsérfræðingur tóku á móti fyrir hönd meltingardeildar 10E á Landspítalanum.

Enn og aftur neyðumst við til að fresta fræðslufundinum vegna Covid. Við bíðum og setjum fundinn aftur á dagskrá eins fljótt og hægt er.