Enn og aftur neyðumst við til að fresta fræðslufundinum vegna Covid. Við bíðum og setjum fundinn aftur á dagskrá eins fljótt og hægt er.

Fræðslufundinum sem frestað var í vor verður haldinn fimmtudagskvöldið 8. október 2020. Þeir sem vilja mæta á staðinn eru velkomnir og salurinn er það stór að við getum virt bæði 1 og 2 m regluna eftir þörfum. Fundurinn verður líka "Live" í lokaða umræðuhópnum á fésbókinni.

Fyrirlesari á fundinum verður hjúkrunarfræðingurinn Margrét Marín Arnardóttir. Hún lauk BS námi í hjúkrunarfræði frá HÍ árið 2002, MS námi í klínískri hjúkrun við HÍ áríð 2016 og hefur unnið á speglunardeild LSH síðan árið 2008. Margrét er formaður Innsýnar, fagdeildar hjúkrunarfræðinga starfandi við lungna- og meltingarfærarannsóknir. Hún er einnig tengiliður Íslands við ESGENA (The European Society of Gastroenterology and Endoscopy Nurses and Associates) og fer á ráðstefnur á þeirra vegum þar sem hún kennir og leiðbeinir hjúkrunarfræðingum notkun áhalda við ýmsar gerðir speglana.

Margrét segir: “ Í meistararitgerð minni “Líðan og lífsgæði einstaklinga með bólgusjúkdóma í meltingarvegi” skoða ég mest andlega líðan einstaklinga með Crohn’s sjúkdóm og Ulcerative Colitis og velti fyrir mér hvort samræður (e. Partnership as practice) við hjúkunarfræðinga geti bætt líðan að einhverju marki.

Þar sem áhugi minn liggur að andlegri líðan, gerði ég verkferil fyrir einstaklinga með bólgusjúkdóma í meltingarvegi sem koma í speglun. Í verkferlinum er lagt fyrir einstaklinganna ESAS matstækið sem mælir m.a. andlega líðan. Með þessu matstæki vonast ég til að ná til þeirra einstaklinga sem eru í þörf fyrir sálræna aðstoð.” 

Fundurinn verður í sal Vistor, Hörgatúni 2 Garðabæ og hefst kl. 20:00.

Hjálmar S. Ásbjörnsson er félagi í CCU samtökunum og er sem stendur að læra kennsluþjálfun í núvitund í samstarfi með Núvitundarsetrinu og Bangor háskóla í Wales. Sem hluta af náminu býður hann 8 til 15 félögum CCU að taka þátt í einu námskeiði þeim að kostnaðarlausu.  Þátttakendur frá hefti em inniheldur upplýsingar um námskeiðið, fræðslu og verkefni.

Núvitund og streituminnkun (MBSR) er 8 vikna námskeið þar sem þátttakendur læra og þjálfa sig í aðferðum núvitundar og hvernig hægt er að innleiða nálgunina í daglegt líf. Þeim er jafnframt boðið að skoða hvernig aðferðirnar geta dregið úr vanlíðan og leitt til aukinnar vellíðunar. Áhersla er lögð á reynslunám þar sem þátttakendur fá tækifæri til að „finna á egin skinni“ það sem námskeiðið er að kenna og eru notaðar bæði formlegar og óformlegar núvitundaræfingar til þess. 

Námskeiðið nýtist þeim sem hafa áhuga á að gefa sér tíma til að skoða eigin upplifanir og viðbrögð og hvernig hægt er að bregðast við erfiðri líðan og streitu á hjálplegan hátt.

Kynningarfundur verður haldinn í Batamiðstöðinni fyrir aftan Kleppspítala fimmtudaginn 24. september klukkan 19:30 og námskeiðið hefst fimmtudaginn 1.október á sama stað og er hver tími frá 19-21.

Hægt er að skrá sig með því að senda nafn og símanúmer á This email address is being protected from spambots. You need JavaScript enabled to view it. og skilyrði fyrir þátttöku er að vera félagi í CCU samtökunum.