30 ára afmælisblað CCU samtakanna inniheldur meðal annars persónulegar reynslusögur, viðtöl við sjúklinga og foreldra, auk fræðsluefnis um áhrif sjúkdómanna og mikilvægi stuðningsnets.
Skoða

CCU samtökin standa fyrir vitundarvakningu á Facebook frá 1. til 19. maí sem er alþjóðlegur IBD dagur. CCU er aðildarfélag að EFCCA, en það eru regnhlífasamtök 46 samtaka um allan heim sem taka þátt í að vekja athygli á sjúkdómunum með ýmsu móti. Talið er að yfir 10 milljón manns í heiminum, þar af um 3,4 milljónir í Evrópu, séu annaðhvort með Crohns sjúkdóm eða Sáraristilbólgu, oft nefndir IBD.

Í ár viljum við vekja athygli á því, að það á ekki að vera neitt feimnismál að tala um sjúkdómana eða það sem þeim fylgir, þó þeir tengist þörmum, klósettferðum og kúk ! Það er afskaplega mikilvægt að eyða öllum fordómum og sérstaklega gagnvart umræðu um einkenni sem geta valdið því að fólk skammist sín, segi ekki frá og leiti sér ekki aðstoðar. Með þessari vitundarvakningu vonumst við til að opna meira fyrir jákvæða umræðu með upplýstara samfélagi. 💜

Nú byrjum við Fjólubláan maí á Akureyri. Við verðum á Glerártorgi laugardaginn 3. maí kl. 13 og ætlum að gefa fullt af fjólubláum pokum með klósettpappírsrúllu, ilmspreyi og auðvitað fylgir með upplýsingablað um sjúkdómana

Vilhjálmur Andri Einarsson sem er eigandi hjá Andri ICELAND ætlar að kynna okkur áhrifaríkar leiðir til að bæta líkamlega og andlega heilsu með einföldum aðferðum. Kynnt er hvernig öndun, kuldi, hiti og hugarorka geta hjálpað til við að draga úr streitu, bæta líðan og styðja við betri heilsu í daglegu lífi. Andri útskýrir hvernig þessar aðferðir geta haft jákvæð áhrif á taugakerfið, ónæmiskerfið og almenna líðan. Í lok fyrirlestursins fá þátttakendur tækifæri til að upplifa áhrifin strax í gegnum leidd öndun.

Til að styðja enn frekar við þátttakendur er öllum boðið að prófa frían öndunartíma „Anda með Andra“ í stúdíóinu hjá þeim í Rauðagerði 25.

Rannsóknir benda til þess að reglulegar öndunaræfingar og kuldaþjálfun geti dregið úr langvinnri bólgu, styrkt ónæmiskerfið og stuðlað að betri líðan. Fyrirlesturinn veitir hagnýta og aðgengilega innsýn í þessar aðferðir, sem geta verið gagnlegar fyrir þá sem glíma við langvinna sjúkdóma.

Fundurinn verður í sal Vistor, Hörgatúni 2 Garðabæ og gengið er inn frá Bæjarbrautinni. Við verðum “live” í umræðuhópnum og hlökkum til að sjá þá sem geta mætt í salinn.

Dagskrá:
1. Skýrsla stjórnar um starfsemi síðasta árs
2. Yfirfarnir reikningar lagðir fram til samþykktar
3. Tillaga stjórnar um starfsemi næsta árs
4. Kosning stjórnar
5. Kosning varamanna
6. Kosning skoðunarmanna reikninga
7. Tillögur sem hafa borist
8. Ákvörðun félagsgjalds
10. Önnur mál

Fundurinn verður auglýstur nánar er nær dregur.

Stjórnin.